“ਹਰ ਵਾਰ ਜਦੋਂ ਕੋਈ ਔਰਤ ਆਪਣੇ ਲਈ ਖੜ੍ਹੀ ਹੁੰਦੀ ਹੈ, ਉਹ ਸਾਰੀਆਂ ਔਰਤਾਂ ਲਈ ਖੜ੍ਹੀ ਹੁੰਦੀ ਹੈ।” – ਗਗਨਦੀਪ ਕੌਰ

ਔਰਤ ਰੱਬ ਦਾ ਇਕ ਖੂਬਸੂਰਤ ਤੋਹਫ਼ਾ ਹੈ ਔਰਤ ਸ਼ੁਰੂ ਤੋਂ ਹੀ ਆਪਣੇ ਘਰ ਨੂੰ ਸੰਭਾਲਦੀ ਹੈ ਅੱਜ ਕਈ ਔਰਤਾਂ ਘਰ ਦੇ ਨਾਲ ਨਾਲ ਬਾਹਰ ਜਾ ਕੇ ਕੰਮ ਕਰਦੀਆਂ ਹਨ ਪਰ ਕੁਝ ਔਰਤਾਂ ਅੱਜ ਵੀ ਘਰ  ਦਾ ਹੀ ਕੰਮ ਕਰਦੀਆਂ ਹਨ ਕਿਉਂਕਿ ਉਨ੍ਹਾਂ ਕੋਲ ਕੋਈ ਹੁਨਰ ਨਹੀਂ ਹੈ । ਉਹ ਦਿਲ ਤੋਂ ਆਪਣੇ ਪਿਤਾ / ਘਰਵਾਲੇ ਦੀ ਆਰਥਿਕ ਤੌਰ ਤੇ ਮੱਦਦ ਕਰਨਾ ਚਾਹੁੰਦੀਆਂ ਹਨ ਪਰ ਕੋਈ ਹੁਨਰ ਨਾ ਹੋਣ ਕਰਕੇ ਉਹ ਨਹੀਂ ਕਰ ਪਾਉਂਦੀਆਂ । ਇਸ ਲਈ ਯੂਨੀਵਰਸਲ ਐਜੂਕੇਸ਼ਨ ਐਂਡ ਚੈਰੀਟੇਬਲ ਟਰੱਸਟ ਆਉਨ ਲਾਇਨ ਟੇਲਰਿੰਗ ਸਿਖਲਾਈ ਪ੍ਰੋਗਰਾਮ ਲੈ ਕੇ ਆਇਆ ਹੈ। ਇਸ ਟੇਲਰਿੰਗ ਸਿਖਲਾਈ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਔਰਤਾਂ ਅਤੇ ਕਿਸ਼ੋਰ ਲੜਕੀਆਂ ਦੇ ਹੁਨਰ ਅਤੇ ਗਿਆਨ ਵਿੱਚ ਵਾਧਾ ਕਰਕੇ ਉਨ੍ਹਾਂ ਦੇ ਜੀਵਨ ਪੱਧਰ ਨੂੰ ਉੱਚਾ ਚੁੱਕਣਾ ਹੈ। ਇਹ ਹੁਨਰ ਉਨ੍ਹਾਂ ਦੀ ਪਹਿਚਾਣ ਬਣੇਗਾ (ਸਿਲਾਈ) ਜੋ ਉਹਨਾਂ ਨੂੰ ਵਧੇਰੇ ਆਮਦਨ ਕਮਾਉਣ ਅਤੇ ਆਰਥਿਕ ਤੌਰ ‘ਤੇ ਸਵੈ-ਨਿਰਭਰ ਅਤੇ ਸੁਤੰਤਰ ਬਣਨ ਵਿੱਚ ਮਦਦ ਕਰੇਗਾ । ਇਹ ਗਰੀਬੀ ਨੂੰ ਦੂਰ ਕਰੇਗਾ, ਪਤੀ ਅਤੇ ਮਾਤਾ-ਪਿਤਾ ‘ਤੇ ਨਿਰਭਰ ਰਹਿਣ ਤੋਂ ਬਿਨਾਂ ਉਨ੍ਹਾਂ ਦੀਆਂ ਪਰਿਵਾਰਕ ਜ਼ਰੂਰਤਾਂ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰੇਗਾ। ਉਨ੍ਹਾਂ ਦੀ ਮਦਦ ਕਰਨ ਲਈ, ਯੂਨੀਵਰਸਲ ਐਜੂਕੇਸ਼ਨਲ ਅਤੇ ਚੈਰੀਟੇਬਲ ਟਰੱਸਟ ਨੇ ਵੱਖ-ਵੱਖ ਥਾਵਾਂ ‘ਤੇ ਟੇਲਰਿੰਗ (ਸਿਲਾਈ) ਸਿਖਲਾਈ ਕੇਂਦਰ ਸ਼ੁਰੂ ਕੀਤੇ।

  ਇਨ੍ਹਾਂ ਸਿਖਲਾਈ ਸੈਟਰਾਂ ਵਿੱਚ, ਟੇਲਰਿੰਗ ਦੇ ਹੁਨਰ ਸਿਖਾਏ ਜਾਂਦੇ ਹਨ। ਵਿਦਿਆਰਥੀਆਂ ਨੂੰ ਇੱਕ ਯੋਗ ਪੇਸ਼ੇਵਰ ਟੇਲਰਿੰਗ ਅਧਿਆਪਕ ਦੁਆਰਾ ਸਿਖਲਾਈ ਦਿੱਤੀ ਜਾਂਦੀ ਹੈ। ਇਹ ਟੇਲਰਿੰਗ ਕਲਾਸਾਂ ਪੇਂਡੂ ਪਿੰਡਾਂ ਦੀਆਂ ਔਰਤਾਂ/ਲੜਕੀਆਂ ਨੂੰ ਆਪਣੇ ਦਮ ‘ਤੇ ਕਮਾਈ ਕਰਨ ਦੇ ਯੋਗ ਬਣਾਉਂਦੀਆ ਹਨ, ਉਹਨਾਂ ਨੂੰ ਆਤਮ-ਵਿਸ਼ਵਾਸ ਅਤੇ ਸਵੈ-ਨਿਰਭਰ ਬਣਾਉਂਦੀਆਂ ਹਨ। ਔਰਤਾਂ ਆਪਣੀਆਂ ਟੇਲਰਿੰਗ ਦੀਆਂ ਦੁਕਾਨਾਂ ਸ਼ੁਰੂ ਕਰਦੀਆਂ ਹਨ ਅਤੇ ਪੈਸਾ ਕਮਾਉਂਦੀਆਂ ਹਨ।

ਗਰੀਬ ਔਰਤਾਂ ਦੇ ਸਸ਼ਕਤੀਕਰਨ ਲਈ ਤੁਹਾਡੀ ਮਦਦ ਇੱਕ ਬਿਹਤਰ ਭਵਿੱਖ ਲਈ ਜੀਵਨ ਬਦਲਣ ਦਾ ਮੌਕਾ ਹੋਵੇਗਾ।